Dopty hokkeıden «Aqjaıyq» reseılik komandany taǵy da iri eseppen jeńdi

<p>ORAL. KAZINFORM &ndash; Dopty hokkeıden joǵary lıga komandalary arasynda búkilreseılik jarysta Oraldyń &laquo;Aqjaıyǵy&raquo; Votkınskide jergilikti &laquo;Znamıa-Ýdmýrtııamen&raquo; ekinshi kezdesýin ótkizdi.</p>

Birinshi oıynda oraldyqtar qarsylasyn 4:0 esebimen tize búktirgen edi.

Bul joly bastapqy taımda «Aqjaıyqtyń» surmergeni, reseılik Maksım Pahomov esep ashty. Taım sońyna taman Raýan Isalıev 2:0-ge jetkizdi.

Ekinshi kezeńde R.Isalıev taǵy bir goldyń avtory atandy. Komanda kapıtany Maksım Ótebalıevtiń pasyn paıdalanǵan M.Pahomov qarap qalǵan joq. 86-mınýtta M.Pahomovtyń pasynan keıin Ivan Zaharov matchtyń núktesin qoıdy – 5:0.

Osylaısha, eki oıynda «Znamıa-Ýdmýrtııa» qaqpasyna jaýapsyz 9 gol soqqan Nıkolaı Shavaldınniń shákirtteri kelesi kezdesýlerin 16-17 jeltoqsanda Krasnotýrınskide «Maıak» klýbymen ótkizedi.

Eske sala keteıik, budan buryn dopty hokkeıden «Aqjaıyqtyń» jańa maýsymdy jeńispen bastaǵanyn jazǵan bolatynbyz.