Dopty hokkeıden «Aqjaıyq» reseılik klýbty ekinshi ret utty

<p>ORAL. KAZINFORM &mdash; Dopty hokkeıden joǵary lıga komandalary arasynda búkilreseılik jarysta Oraldyń &laquo;Aqjaıyǵy&raquo; &laquo;Jastar&raquo; stadıonynda &laquo;Nıkelşık&raquo; (Verhnıı Ýfaleı) klýbymen ekinshi kezdesýin ótkizdi.</p>

Keshe birinshi oıynda oraldyqtar 12:4 esebimen basym túsken edi.

Bul joly match áldeqaıda tartysty órbidi. Degenmen Nıkolaı Shavaldınniń shákirtteri óz múmkindikterin múlt jibergen joq. Qorytyndy esep — 8:6.

«Aqjaıyq» sapynda komanda kapıtany Maksım Ótebalıev pen reseılik Maksım Pahomov úsh-úshten gol soqsa, Raýan Isalıev pen Dáýren Oralov ta qur ketken joq.

Osy jeńisten keıin batysqazaqstandyqtar 15 upaımen ekinshi topta úshinshi orynǵa kóterildi.

«Aqjaıyq» kelesi básekelerin 24-25 jeltoqsanda óz aıdynynda «Akademııa «Ýralskıı trýbnık» (Pervoýralsk) komandasymen ótkizedi.

Eske sala keteıik, budan buryn dopty hokkeıden «Aqjaıyqtyń» iri eseppen jeńiske jetkenin jazǵan bolatynbyz.