ORAL. KAZINFORM — Dopty hokkeıden joǵary lıga komandalary arasynda búkilreseılik jarysta óner kórsetetin Oraldyń «Aqjaıyǵy» Verhnıı Ýfaleı qalasynda jergilikti «Nıkelşıkpen» kezdesti.
Ekinshi topta aıdyn ıeleri kósh bastasa, oraldyqtar úzdik úshtikti túıindep tur.
«Nıkelşık» tartysty oıynda 5:3 esebimen basym túsip, jalpy upaı sanyn 59-ǵa jetkizdi.
«Aqjaıyqtan» Maksım Pahomov eki goldyń avtory atansa, taǵy bir dop Artem Lapshınniń enshisinde.
28 aqpan kúni qos komanda óz tobyndaǵy sońǵy matchtaryn ótkizedi.
Qazirgi kezde «Aqjaıyqtyń» qorjynynda 54 upaı bar.
«Bizdiń toptan tórt komanda fınalǵa joldama alady. „Aqjaıyqqa“ keminde úshinshi oryn buıyratyny anyq. Sondyqtan 4-14 naýryz aralyǵynda Irkýtsk qalasynda ótetin fınaldyq saıystarǵa qatysyp, joǵary lıganyń úzdik komandalarymen synǵa túsetin bolamyz», dedi «Kazinform» tilshisine «Aqjaıyqtyń» bas bapkeri Nıkolaı Shavaldın.
Eske sala keteıik, budan buryn «Aqjaıyqtyń» tartysty matchta qarsylasyna jol bergenin jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).