Dopty hokkeı: «Aqjaıyq» syrt aıdynda taǵy da jeńilip qaldy

<p>Dopty hokkeıden joǵary lıga komandalary arasynda búkilreseılik jarysta Oraldyń &laquo;Aqjaıyǵy&raquo; Reseıdiń Votkınsk qalasynda &laquo;Znamıa-Ýdmýrtııa&raquo; komandasymen ekinshi oıynyn ótkizdi, dep habarlaıdy <a href="Kazinform" target="_blank" rel="noopener">Kazinform</a>.</p>

Birinshi taımda qos komanda terezesi teń óner kórsetip, 4:4 esebimen aıaqtaldy.
Ekinshi kezeńde aıdyn ıeleri kúsh alyp ketti. Qorytyndy esep – 7:5, «Znamıa-Ýdmýrtııanyń» paıdasynda.

«Aqjaıyqtyń» surmergeni, reseılik Mıhaıl Pahomov qos goldyń avtory atandy. Sondaı-aq komandanyń kapıtany Maksım Ótebalıev, Nurbol Bókeshov jáne Samat Amanshın «Znamıa-Ýdmýrtııa» qaqpasyna bir-bir doptan engizdi.

Ekinshi topta 12 upaımen besinshi orynda kele jatqan Nıkolaı Shavaldınniń shákirtteri kelesi kezdesýlerin 14-15 qańtarda óz aıdynynda osy klýbpen ótkizedi.

Eske sala keteıik, budan buryn «Aqjaıyqtyń» tartysty matchta qarsylasyna ese jibergenin jazǵan bolatynbyz.