Dopty hokkeı: «Aqjaıyq» qazandyq komandany ekinshi ret oısyrata jeńdi

<p>ORAL. KAZINFORM &ndash; Dopty hokkeıden joǵary lıga komandalary arasynda búkilreseılik jarysta Oraldyń &laquo;Aqjaıyǵy&raquo; &laquo;Jastar&raquo; stadıonynda &laquo;Ak Bars-Dınamo-2&raquo; (Qazan) klýbymen ekinshi kezdesýin ótkizdi.</p>

Keshe oraldyqtar qarsylasyn 10:1 esebimen jeńgen edi. Búgin de dop «Ak Bars-Dınamo-2» qaqpasyna qarsha borap, Nıkolaı Shavaldın baptaıtyn oıynshylar 15:1 esebimen jeńiske jetti.

Komanda surmergeni, reseılik Maksım Pahomov 7 goldyń avtory atansa, qazaqstandyq shabýylshy Raýan Isalıev 4 dop engizdi. «Aqjaıyqtyń» kapıtany Maksım Ótebalıevtiń enshisine 2, Artem Lapshın men Nurbol Bókeshovke bir-bir goldan jazyldy. 

Qazandyq komandadan Roman Lapın bir doppen ǵana jaýap qaıyrdy. 

Osy oıynnan keıin 33 upaı jınaǵan «Aqjaıyq» óz tobynda kósh bastaýshylardyń qatarynda keledi. 

Batysqazaqstandyqtar kelesi kezdesýin óz aıdynynda 18-19 qańtarda «Volga-Cheremshan» (Ýlıanovsk) komandasyna qarsy ótkizedi.

Eske sala keteıik, budan buryn dopty hokkeıden «Aqjaıyqtyń» qatarynan úsh kezdesýde iri eseppen jeńiske jetkenin jazǵan bolatynbyz.