Dopty hokkeı: «Aqjaıyq» qatarynan úsh kezdesýinde iri eseppen jeńiske jetti

<p>ORAL. KAZINFORM &ndash; Dopty hokkeıden joǵary lıga komandalary arasynda búkilreseılik jarysta óner kórsetetin Oraldyń &laquo;Aqjaıyǵy&raquo; óz aıdynynda &laquo;Ak Bars-Dınamo-2&raquo; (Qazan) klýbyn qabyldady.</p>

Osynyń aldynda oraldyqtar Orynborda jergilikti «Lokomotıvti» 18:5 jáne 20:3 esebimen oısyrata utqan edi.

Bul joly Nıkolaı Shavaldınniń shákirtterine qazandyq komanda da qarsy tura almady. Kezdesý 10:1 esebimen «Aqjaıyqtyń» paıdasyna sheshildi. 

Aıdyn ıelerinen komanda kapıtany Maksım Ótebalıev tórt goldyń avtory atansa, Maksım Pahomov pen Raýan Isalıev «Ak Bars-Dınamo-2» qaqpasyna eki-ekiden dop engizdi. Sondaı-aq Artem Lapshın men 18 jastaǵy Rýslan Taýhaev ta qur ketpedi.

Qonaqtardan Vladımır Nıgmetzıanov qana kózge túse aldy.

Erteń qos komanda ekinshi kezdesýin ótkizedi.

Bul oıynnan keıin 30 upaı jınaǵan oraldyqtar óz tobynda ekinshi orynǵa kóterildi.

Eske sala keteıik, budan buryn «Aqjaıyqtyń» bir oıynda 20 gol soqqanyn jazǵan bolatynbyz.