ORAL. KAZINFORM - Reseıdiń Kemerovo qalasynda dopty hokkeıden joǵary lıga komandalary arasynda búkilreseılik jarystyń fınaldyq kezeńi ótip jatyr.
A tobyna túsken Oraldyń "Aqjaıyǵy" bastapqy kezdesýin "Maıak" (Krasnotýrınsk) komandasymen ótkizdi.
Birinshi taımda komanda kapıtany Maksım Ótebalıev esep ashty.
Ekinshi kezeńde "Maıaktan" Nıkıta Torkýnov qarymta qaıyrdy.
"Aqjaıyqtyń" surmergeni Maksım Pahomov komandany qaıta alǵa shyǵarǵanymen, Anton Tıhvınskıı tarazy basyn teńestirip ketti - 2:2.
Erteń Nıkolaı Shavaldınniń shákirtteri "Sıbselmash-2" (Novosibir) komandasymen aıdynǵa shyǵady.
Eske sala keteıik, budan buryn "Aqjaıyqtyń" fınaldyq oıyndarǵa qatysý úshin Kemerovo qalasyna attanǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).