ORAL. KAZINFORM – Dopty hokkeıden joǵary lıga komandalary arasynda búkilreseılik jarysta óner kórsetetin Oraldyń «Aqjaıyǵy» «Jastar» stadıonynda «Nıkelşık» (Verhnıı Ýfaleı) komandasymen ekinshi kezdesýin sátti ótkizdi.
Oraldyq maman Nıkolaı Shavaldınniń shákirtteri bul joly 10:4 esebimen jeńiske jetti.
Komanda kapıtany Maksım Ótebalıev het-trıktiń avtory atansa, reseılik shabýylshy Maksım Pahomov qarsylastyń qaqpasyna 5 dop engizdi. Tájirıbeli qorǵaýshy Denıs Maksımenko men taǵy bir reseılik Artem Lapshın bir-bir goldan soqty.
M.Pahomov osy maýsymda 16 matchta soqqan gol sanyn 52-ge jetkizdi.
Osylaısha, ekinshi topta kósh bastap kele jatqan «Aqjaıyq» upaı sanyn 36-ǵa jetkizdi.
Oraldyqtar kelesi oıyndaryn 3-4 aqpanda óz aıdynynda «SKA-Ýralskıı trýbnık-2» (Ekaterınbýrg) komandasymen ótkizedi.
Eske sala keteıik, budan buryn Oraldyń «Aqjaıyǵy» negizgi qarsylastarynyń birin iri eseppen utqanyn jazǵan bolatynbyz.
Foto: "Aqjaıyq" sport klýby
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).