Dopıng úshin ustalǵan sportshylarǵa qandaı jaza taǵaıyndalady

NUR-SULTAN. QazAqparat - Elimizde dopıng úshin jaza kúsheıtiledi. Bul týraly Parlament Senatyndaǵy Úkimet saǵatynda QR Mádenıet jáne sport vıtse-mınıstri Eldos Ramazanov málim etti, dep habarlaıdy QazAqparat tilshisi.

«Biz sporttyq kórsetkishteri joǵary elderdiń tájirıbesin zerttedik. Onyń negizinde mınıstrlik salalyq zańǵa ózgerister men tolyqtyrýlar engizý boıynsha jumystardy júrgizýde. Usynylyp otyrǵan normalar tyıym salynǵan preparattardy paıdalaný men taǵaıyndaý jáne taratqany úshin adamdardy qurama komandalardan shyǵarýdan bólek, sportshylar men bapkerlerge jáne olarǵa qatysy bar mamandarǵa ákimshilik jaýapkershilikti belgileýdi qarastyrady», - dedi vıtse-mınıstr.

E. Ramazanovtyń aıtýynsha, túzetýler aıasynda jarystaǵy nátıjelerdiń joıylǵany úshin tólengen aqshalaı yntalandyrý tólemderin qaıtarýdy qarastyrady. Sonymen qatar, sporttyq ataǵyn joıý, úlken jarystardyń jeńimpazdary men chempıondaryna berilgen baspanany keri qaıtarý eskerilgen.

Budan buryn habarlanǵandaı, Qazaqstan sportshylary tarapynan dopıng paıdalaný jaǵdaılary tómendemeı tur. Sońǵy 5 jylda Qazaqstan sportshylary tarapynan dopıng paıdalanýdyń 263 oqıǵasy anyqtaldy.