ASTANA. KAZINFORM — Bokstan ózbekstandyq Olımpıada chempıony Lazızbek Mýllajonovtyń dopıng qoldanǵany anyqtaldy.
Halyqaralyq dopıng testileý agenttigi (ITA) taratqan málimetke qaraǵanda, 26 jastaǵy ózbekstandyq boksshy dopıng saldarynan úsh jylǵa sporttan shettetildi.
Mýllajonovtan 2025 jylǵy 11 maýsymda alynǵan synamadan tyıym salynǵan metasteron tabylǵan. Ózbekstan ókili óz kinásin moıyndaǵandyqtan, sporttan shettetý merzimi 4 jyldan 3 jylǵa qysqartylǵan.
L.Mýllajonov – 2022 jylǵy Azııa chempıony, 2023 jylǵy álem birinshiliginiń qola júldegeri. Ol 2024 jyly Parıj olımpıadasynda 92 kelige deıingi salmaqta jeńimpaz atandy.
Eske sala keteıik, budan buryn Qytaı chempıonatynda 4 qazaq boksshysy júldeger atanǵanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).