Dopıng daýy: «Kanelo» resmı túrde rıngke oraldy

ASTANA. QazAqparat - Nevada shtatynyń atletıkalyq komıssııasy meksıkalyq boksshy Saýl Alvareske (49-1-2, 34 KO) salynǵan sanktsııany alyp tastady. «Kanelodan» jekpe-jek aldynda alynǵan dopıng synamalardyń birinen tyıym salynǵan preparat tabylǵan bolatyn, dep jazady Sports.kz. 

Saýl Alvarestiń  17 jáne 20 aqpanda tapsyrǵan dopıng-synamasynan klenbýterol tabylǵan bolatyn. Alvarestiń múddesin qorǵaıtyn Golden Boy promoýterlik kompanııasy boksshydan alynǵan dopıng synamalardyń birinen tyıym salynǵan preparat - Klenbýterol tabylǵany týraly aqparatty rastady. 

Osylaısha, «Kanelo» resmı túrde rıngke oraldy.

Eske salaıyq, «Kanelo» men GGG-dyń alǵashqy aıqasy daý týdyryp, sońynda qarsylastar teń túsken edi. Ekinshi jekpe-jek 15 qyrkúıekte Las-Vegastegi T-Mobile arenasynda ótetin bolady.