Dóńgelek qana salady: Prezıdent elimizde qurastyrylatyn kólik salasyn tekserýdi tapsyrdy
«Ónerkásip saıasatynda negizinen avtokólik jasaý salasyna basymdyq berilgen. Biraq, otandyq ónim úlesi áli de tómen. Ashylyp jatqan jumys oryndary da az. Ónerkásip salasyna jaýapty mınıstr ındýstrııalandyrýdyń barlyq máselesimen muqııat aınalysýy tıis. Ásirese damý múmkindigi joǵary salalarǵa basa mán berýdi tapsyramyn», - dedi Memleket basshysy.
QR Prezıdenti áleýmettik jelide qazaqstandyq avtomobılderdiń basym bóligi elimizge daıyn kúıde jetkiziletindigi týraly aqparattyń jıi talqylanatyndyǵyna nazar aýdartty.
«Tek dóńgelegin salý ǵana qalady dep jatady. Bul rette ásireleý úlesi basym baıqalady. Mundaı ásireleýdiń maqsaty da túsinikti. Qalaı degende de mundaı paıymnyń qanshalyqty shyndyqqa saı keletindigin anyqtaý qajet. Sodan keıin shara qabyldaý kerek», - dedi Qasym-Jomart Toqaev.