Donald Týsk Polsha premer-mınıstri bolyp saılandy

<p>Polsha depýtattary úkimetti basqarýdy Donald Týskqa senip tapsyrdy. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://ru.euronews.com/2023/12/11/poland-vote-parliament" target="_blank" rel="noopener">Euronews</a>-ke silteme jasap habarlaıdy.</p>

Mınıstrler kabınetiniń burynǵy basshysy atanyp úlgergen Mateýsh Moravetskıı seımde ekinshi ret senimge ıe bola almaǵannan keıin depýtattar Týsktiń úmitkerligine daýys berdi.

Zań júzinde qazandaǵy saılaýdy «Quqyq jáne ádildik» ońshyl konservatorlary jeńip alǵanymen (194 oryn), Týsk basqaratyn «Azamattyq platforma», «Úshinshi jol» jáne «Solshyldar» oppozıtsııalyq eýropashyl kúshter koalıtsııasy 248 mandatqa ıe boldy.

Premerdi taǵaıyndaý mindeti depýtattarǵa ótip, kóbi Týskti qoldady.

Seısenbi tańerteń taǵaıyndalǵan premer baǵdarlamasy men mınıstrler tizimin jarııalaıdy.

Kabınet qurýdyń sońǵy qadamy prezıdent Andjeı Dýdanyń ant qabyldaý rásimin ótkizýi bolmaq. Ol sársenbi kúni ótýi múmkin.