Donald Tramp resmı túrde prezıdenttikke úmitker atandy

<p>ASTANA. KAZINFORM&mdash;Beısenbi kúni Respýblıkalyq partııanyń ulttyq quryltaıynyń sońǵy kúninde Donald Tramp Mılýokıde saltanatty sóz sóılep, jınalǵandardyń qoshemetine ıe boldy. Sonymen qatar,&nbsp; prezıdenttikke kandıdatýrasyn resmı túrde qabyldady, dep jazady <a href="https://abcnews.go.com/Politics/live-updates/republican-national-convention-2024-day-4?id=112057066&amp;entryId=112087257" target="_blank" rel="noopener">ABC News.</a></p>

Tramp jergilikti ýaqyt boıynsha saǵat 22:30-da sahnaǵa shyǵyp, senbi kúni Pensılvanııadaǵy shabýyldan keıin alǵash ret Respýblıkalyq partııanyń prezıdenttigine kandıdat retinde usynylýdy qabyldady.

«Men Amerıkanyń jartysy emes, búkil Amerıka atynan úmitkermin, óıtkeni Amerıkanyń jartysy úshin jeńiske jetý eshqandaı jeńis ákelmeıdi», - dedi Donald Tramp.

Tramp senbi kúngi shabýyldan keıin qoldaý kórsetkenderge alǵys aıtty. D.Tramp Pensılvanııadaǵy atys kezinde jınalǵandardyń úreılenip qashyp ketpegenin atap ótti.

Olardyń kópshiligi erlik kórsetip, snaıperdiń qaıda bolýy múmkin ekenin izdeı bastady. Muny úmitkerdiń artynda turǵan topqa qarap kórýge bolady. Eshkim júgirmedi, sonyń arqasynda kóptegen adam aman qaldy.

D.Tramptyń sózi 1 saǵat 33 mınýtqa sozyldy. Bul tarıhtaǵy prezıdenttikke usynylatyn eń uzaq sóz boldy. Buǵan deıingi rekord 1 saǵat 15 mınýtty quraǵan, ony 2016 jyly da D.Tramp ornatqan bolatyn.