Donald Tramp Aq úıde aýyzashar ótkizedi
Aq úıde 20 jyldan beri dástúrli túrde aýyzashar uıymdastyrylyp kele jatqan bolatyn, bul dástúrdi byltyr Tramp buzǵan edi.
Aýyzashar seısenbi, 5 maýsymǵa josparlanǵan. Іs-sharanyń jospary, shaqyrylǵan qonaqtar ázirge jarııalanǵan joq.
Dástúr boıynsha aýyzashardy AQSh prezıdenti men eldiń birinshi hanymy ótkizedi. Ázirge keshki asqa Melanııa Tramptyń qatysatyny belgisiz. Ol 10 mamyrda búıregine ota jasalǵannan keıin halyqtyń aldyna shyqqan joq.
Byltyr Aq úı Ramazandaǵy keshki asty uıymdastyrmaýyna baılanysty synǵa qalǵan edi, dep jazady Politico. Aýyzashar berý dástúrin óz ýaqytynda AQSh prezıdentteri Bıll Klınton, kishi Djordj Býsh jáne Barak Obama qoldaǵan bolatyn.
Ótken aıda Tramp AQSh-taǵy jáne barlyq álemdegi musylmandardy qasıetti aımen quttyqtady.