Dóń ken-baıytý kombınatynda kólik aýdarylyp, eki jumysshy kóz jumdy

<p>AQTÓBE. KAZINFORM &ndash; Aqtóbe oblysy Hromtaý aýdanynda ornalasqan Dóń ken-baıytý kombınatynda júk kóligi aýdaryldy. Oqıǵa ornynda eki jumysshy kóz jumdy.</p>

Jumysshylardyń ólimine qatysty is boıynsha endi tergeý júrgiziledi. 

– «Qazhrom» TUK» AQ fılıaly Dóń taý-ken baıytý kombınatyndaǵy jol-kólik oqıǵasy saldarynan kásiporynnyń eki qyzmetkeri jaraqattanyp, kóz jumdy. Oqıǵa týraly memlekettik organdarǵa habarlandy. Oqys oqıǵanyń mán-jaıy anyqtalyp jatyr. «Qazhrom» TUK» AQ ujymy marqum bolǵan qyzmetkerlerdiń týǵan-týystarynyń qaıǵysyna ortaqtasyp, kóńil aıtady. Kompanııa marqumdardyń otbasyna qajetti kómek kórsetedi, - dep habarlady «Qazhrom» TUK» AQ Korporatıvtik kommýnıkatsııa qyzmeti. 

Foto: @HromtauLIVE telegram kanaly

Aqtóbe oblystyq eńbek ınspektsııa basqarmasynyń basshysy Jandos Álimovtiń aıtýynsha, kásiporyn bir táýlik ishinde habar berýi tıis. Ázirge eńbek ınspektsııasy aqparatty estigenimen, resmı habarlama almaǵan. 

Foto: @HromtauLIVE telegram kanaly

Eske salsaq, osydan úsh jyl buryn Dóń ken-baıytý kombınatynda jarylys bolyp, bir adam kóz jumdy.