«Dombyra» stellasynyń ashylýy: 500 ónerpaz kúı oınady

KÓKShETAÝ. QazAqparat -Kókshetaýda «Dombyra» kompozıtsııalyq stellasy saltanatty túrde ashyldy, dep habarlaıdy QazAqparat tilshisi.

Saltanatty sharaǵa aımaq basshysy Ermek Marjyqpaev, zııaly qaýym ókilderi, qala turǵyndary men qonaqtary qatysty.

«Ótken jyly Elbasynyń Jarlyǵymen shilde aıynyń alǵashqy jeksenbisi Ulttyq dombyra kúni bolyp belgilengengen. Bul bizdiń mádenıetimiz ben ónerimizdiń juldyzyn odan ári bıiktete tústi. Biz búgin dombyra eskertkishin ashyp otyrmyz. Elimizdiń birligi men yntymaǵyn saqtaı otyryp, ónerimizdi asqaqtataıyq»,-dedi Ermek Marjyqpaev.

Sonymen qatar, sharada Kókshetaý qalasynyń qurmetti azamaty Bolat Janádilov, memleket jáne qoǵam qaıratkeri Jabal Erǵalıev sóz sóıledi. Teatr alańynda 500 ónerpazdardan quralǵan dombyrashylar ansambli kúı oınady.

Aıta keteıik, Shahmet Qusaıynov atyndaǵy Aqmola oblystyq qazaq mýzykalyq-drama teatrynyń aldyna ornatylǵan «dombyra» stellasynyń avtory kókshetaýlyq tanymal músinshi jáne sýretshi Manarbek Burmaǵanov.

Stellanyń bıiktigi 11 metr jáne metall men betonnan jasalǵan.