Dombyra kúni: Semeı avtobýstarynda Qurmanǵazy kúıleri kúmbirledi
Semeıde F. Dostoevskıı atyndaǵy ádebı-memorıaldyq murajaı qyzmetkerleri men tatar óner mektebiniń uıymdastyrýymen Dombyra kúnine oraı arnaıy aktsııa ótti. Shara barysynda ónerpazdar qala ishinde qatynaıtyn avtobýstaǵa minip, Qurmanǵazynyń kúılerimen jolaýshylardyń kóńilin kótergen.
«Aktsııa aıasynda jolaýshylarǵa XVIII -HH ǵasyrdaǵy kúıshiler týraly vıktorınalyq suraqtar qoıyp, jeńimpazdarǵa otbasylarymen murajaıǵa bılet tabystadyq. Tarıhqa kóz júgirtsek, Shoqan Ýálıhanov pen Fedor Dostoevskıı arasynda qazaq ónerine degen ortaq janashyrlyq bolǵan. Dostoevskıı atyndaǵy mýzeıdiń bul sharaǵa muryndyq bolýy - sol sabaqtastyqtyń jalǵasyndaı», - dedi mýzeıdiń bólim meńgerýshisi Saltanat Nurlybekqyzy.
Jastardyń ıgi bastamasyn ilip áketip, qolǵa dombyra alyp, kópshilikke kúı oryndap bergen jandar da tabyldy.
«Búgin, mine, avtobýsta dombyranyń únin óz qulaǵymyzben estý márebesine ıe boldyq . Osyndaı sharalar ataýly kúnderden basqa kezde de ótkizilip tursa degen nıettemiz. Barsha uıymdastyrýshylarǵa alǵysymyz sheksiz»,-deıdi qala turǵyny Nazym Kelerbekova.