Dombyranyń ózin Qytaıdan satyp alyp otyrmyz – Juldyz Súleımenova

<p>ASTANA. KAZINFORM &ndash; Májilistiń Halyqaralyq ister, qorǵanys jáne qaýipsizdik komıtetiniń otyrysynda depýtat Juldyz Súleımenova&nbsp; Ulttyq statıstıka bıýrosyna qolónershilerdiń statıstıkasyn júrgizýdi usyndy.</p>

«Taǵy bir kóńilge qaıaý túsiretini, qolónershilerdiń sany az. Biraq olardyń da statıstıkasy kerek. Mysaly, Qazaqstannyń qaı óńirinde qamshy óretin qansha adam bar? Dombyra jasaıtyn qansha adam bar? Ótken joly bilim jáne mádenıet týraly zańdy talqylaǵan kezde bizge Mádenıet mınıstrliginiń ókili dombyrany Qytaıda satyp alamyz degendi aıtty. Bylaı qaraǵanda, óte janyń aýyrady», - dedi Juldyz Súleımenova.

Sondaı-aq, ol mádenı baǵdarlamalardyń qolónermen baılanysty naqty statıstıkasyz jasalyp jatqanyn másele etip kóterdi.

«Qansha adam dombyra jasaıdy, qansha adam qobyz jasaıdy, qansha adam qamshy óredi, qansha adam er-toqym jasaıdy, qansha adam tipti sabyn qaınatady? Onyń bári ózimizdiń ata dástúrimiz ǵoı. Sonyń bárin bilýimiz kerek qoı. Osyndaı derekter qajet. Óıtkeni rýhanı, ıdeologııalyq baǵdarlamalardy bastap jatamyz. Biraq sonyń túbinde naqty statıstıka tursa, jaqsy bolar edi», – dedi depýtat.