Dombyra men kıiz úıdi qazaq ultynyń enshisine patentteý múmkin emes – Ádilet mınıstrligi

<p>ASTANA. KAZINFORM &ndash; Ádilet mınıstrliginiń resmı ókili Talǵat Ýálı vedomstvonyń kezekti baspasóz máslıhatynda ulttyq ónimderdi patentteýdiń tártibin túsindirdi.&nbsp;</p>

«Kóptegen áriptesimiz osy jerde shatastyryp jatady. Mysaly, «dombyra túbegeıli qazaqtiki», «kıiz úı túbegeıli qazaqtiki» degen sııaqty patent nege almaımyz dep jatady. Bul – sózbuıdaǵa salynatyn másele», - dedi ol.

Resmı ókili dál qazaqtikindeı kıiz úı, mýzykalyq aspaptar ózge de elderde bolýy múmkin ekenin aıtady.

«Sol sebepti biz bir buıymdy ne bolmasa ulttyq ónimdi, mysaly irimshikti basybaıly bizdiki dep patentteı almaımyz. Sebebi ol ózge de elderde bar dúnıe. Al, onyń jasalý tehnologııasynda qandaı da bir jańashyldyqtar bolsa, ony, árıne, ózimizdiki qazaqstandyq ónertapqyshtardyń enshisine patenttep bere alamyz», - dedi Talǵat Ýálı.