Dollar men rýbldiń demalys kúnderge arnalǵan baǵamy belgilendi

ALMATY. QazAqparat – Ulttyq bank dollar men rýbldiń demalys kúnderge arnalǵan baǵamyn belgiledi, dep habarlaıdy QazAqparat tilshisi.

Atap aıtqanda, 1 dollar quny – 435, 69 teńge, Reseı rýbliniń ortasha saralanǵan baǵamy - 5,78 teńge.

2 naýryz keshki saýda qorytyndysy boıynsha, dollardyń ortasha baǵamy 6, 14 teńgege tómendep, 435, 53 teńge bolǵan. Reseı valıýtasy 5, 87 teńge boldy. Kurs.kz málimeti boıynsha, Astanadaǵy valıýta aıyrbastaý oryndarynda 1 dollar 437– 440 teńgeden satylyp jatyr. Al Almatyda dollar 435,5– 440 teńge aralyǵynda qubylyp tur.

Dál qazirgi ýaqytta Almatydaǵy aqsha aıyrbastaý oryndarynda Reseı valıýtasyn 5, 65 – 5,95 teńgege satyp alýǵa bolady. Astanada kórshi el valıýtasy 5,5 -5, 77 teńgeden saýdalanyp jatyr.