Dollar qymbattap, rýbl arzandap jatyr

ALMATY. QazAqparat - Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy ósti, dep habarlaıdy QazAqparat tilshisi.

KASE qor naryǵyndaǵy kúndizgi saýda qorytyndysy boıynsha, dollar baǵamy 0,99 teńgege qymbattady. Bir AQSh dollarynyń ortasha baǵamy 470, 28 teńge.

Al, Reseı valıýtasy 6, 73 teńge boldy. Ulttyq banktiń 21 jeltoqsandaǵy resmı baǵamy – 1 dollarǵa 469, 18 teńge. Reseı rýbliniń ortasha saralanǵan quny - 6,80 teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnktilerinde dollardyń satý baǵamy – 469,5 teńge, satyp alý – 472,5 teńge. Al Astana qalasy boıynsha satý baǵamy – 468,2 teńgeden bolsa, satyp alý quny – 471,5 teńge. Reseı rýbli 6,5 - 6, 8 teńge aralyǵynda saýdalanyp jatyr.