Dollar baǵasy 1 teńgege jýyq arzandady

ALMATY. QazAqparat – Astanadaǵy valıýta aıyrbastaý oryndarynda 1 dollar 469,5 – 473,5 teńgeden satylyp jatyr. Almatyda 470– 475 teńge aralyǵynda qubylyp tur, dep habarlaıdy QazAqparat Kurs.kz deregine silteme jasap.

6 qazan keshki saýda qorytyndysy boıynsha, dollardyń ortasha baǵamy 0,99 teńgege tómendep, 469, 04 teńgeni qurady.

Ulttyq banktiń 7 qazandaǵy resmı baǵamy – 1 dollar úshin 468, 75 teńge.

Dál qazirgi ýaqytta Almatydaǵy aqsha aıyrbastaý oryndarynda Reseı valıýtasy 7,35 – 7,55 teńge aralyǵynda saýdalanyp jatyr.

Buǵan deıin dollar quny úshinshi kún qatarynan tómendep jatqanyn jazǵan bolatynbyz.