Dollar baǵamy qymbattap, 430 teńgeden asty

ALMATY. QazAqparat - Qazaqstan qor bırjasyndaǵy (KASE) saýda-sattyq qorytyndylary boıynsha, teńgeniń dollarǵa qatysty baǵamy qymbattady, dep habarlaıdy QazAqparat tilshisi.

Saýda-sattyq málimetterine qaraǵanda, dollar baǵamy 6 sáýir keshimen salystyrǵanda 1,56 teńgege ósken. AQSh dollardyń ortasha baǵamy 430,69 teńge boldy.

Ulttyq banktiń 7 sáýirdegi resmı baǵamy – 1 dollar úshin 429,10 teńge.

Kurs.kz málimetinshe, búginde Almatydaǵy aqsha aıyrbastaý pýnktterinde dollar 431,87 teńge satylsa, al satyp alý - 430,35 teńge. Al Nur-Sultandaǵy aqsha aıyrbastaý pýnktterinde dollar 431,45 teńgege satylyp jatyr, satyp alý quny - 430, 27 teńge.

Aıta keteıik, AQSh dollary úsh kún qatarynan qymbattap jatyr. Keshe dollardyń ortasha baǵamy 427,39 teńge bolǵan edi.