Dollar 600 teńgege deıin ósýi múmkin be – Ulttyq bank jaýaby
«Biz baǵamdy boljap otyrǵan joqpyz, dollardyń qansha teńgege deıin jetetinin bilmeımin. Bizde erkin aınalymdaǵy kýrs rejımi bar, kýrs dınamıkasy boıynsha boljam jasamaımyz», - dedi V.Týtýshkın Senat kýlýarynda.
Ulttyq bank ókili keshegi kúnniń qorytyndysy boıynsha bırjadaǵy baǵam bir dollar úshin 495 teńge, saýda-sattyq sońynda – 496,3 teńge bolǵanyn aıtýda.
«Jalpy, 500 – jaı ǵana san, oǵan baılanýdyń qajeti joq. Búgin 500, erteń 600, kýrs shetel valıýtasyna suranys pen usynystyń araqatynasyna qaraı qalyptasady», - dep tolyqtyrdy spıker.
Sondaı-aq, V. Týtýshkın dollardyń ósýiniń negizgi faktory onyń álemdik naryqtarda nyǵaıýy ekenin atap ótti.
«Dollar damýshy jáne damyǵan elderdegi barlyq valıýtalarǵa qatysty nyǵaıyp keledi. Eger teńge men eýronyń araqatynasyn qarastyratyn bolsaq, onda jaǵdaı anaǵurlym turaqty», - dedi spıker.
Búgin Astana men Almaty qalalaryndaǵy aqsha aıyrbastaý pýnktterinde dollar 494 – 499 teńge aralyǵynda saýdalanyp jatyr.