Doktorantýraǵa túsý úshin eńbek ótili ulǵaıtyldy - Memlekettik basqarý akademııasy

ASTANA. QazAqparat – QR Prezıdenti janyndaǵy Memlekettik basqarý akademııasynyń rektory Erlan Ábil memlekettik qyzmetshilerdi daıarlaýdaǵy ózgeristerdi baıandady, dep habarlaıdy QazAqparat tilshisi.

«Akademııada memlekettik tapsyryspen B+ (GPA 3,33) máninen tómen emes nátıjesimen oqý bitirgen adamdar bir jylda jergilikti atqarýshy organdarda, máslıhattar apparattarynda, revızııalyq komıssııalarda, ortalyq memlekettik organdardyń jáne olardyń vedomstvolarynyń aýmaqtyq bólimshelerinde (astana men onyń aýdandaryndaǵy JAO, máslıhat apparatynan, revızııalyq komıssııalardan, ortalyq memlekettik organdar men olardyń vedomstvolarynyń aýmaqtyq bólimshelerinen basqa) «B» korpýsynyń memlekettik ákimshilik laýazymdaryna Memlekettik qyzmet isteri agenttigimen jáne onyń aýmaqtyq bólimshelerimen kelisý boıynsha konkýrssyz ornalasa alady. Ekinshiden, akademııa bitirgen memlekettik qyzmetshiniń ózin oqýǵa jibergen memlekettik organda jumyspen óteý mindeti alynyp tastaldy. Endi memlekettik qyzmetshige akademııada oqýyn aıaqtaǵan soń memlekettik qyzmette 3 jyl jumys isteý/jumyspen óteý jetkilikti», - dedi akademııa rektory búgingi baspasóz máslıhatynda.

Sonymen birge, joǵary oqý oryndarynda JOO-dan keıingi bilim berý baǵdarlamalary boıynsha memlekettik tapsyryspen buryn bilim alǵan memlekettik qyzmetshiler akademııanyń magıstratýrasyna nemese doktorantýrasyna qaıtadan memlekettik tapsyryspen oqýǵa túse alady.

Bıyl akademııaǵa túsý erejeleri boıynsha da birqatar jańashyldyq bar. «Halyqaralyq qatynastar» baǵdarlamasynda oqý merzimi syrtqy saıasat pen halyqaralyq yntymaqtastyqty iske asyrý úshin kadr daıarlaýdy kúsheıtý, onyń ishinde shet tilderi boıynsha tildik daıarlyqty kúsheıtý maqsatynda 2 jylǵa deıin uzartyldy. Doktorantýra baǵdarlamalary úshin jumys ótili boıynsha talap 3 jyldan 5 jylǵa deıin ulǵaıtyldy.

Ótken jyly basshy qol qoıǵan joldamany aldyn ala oqýǵa túsý kezinde, ıaǵnı konkýrstyq irikteýden keıin tapsyrýǵa múmkindik berilse, bıyl úmitkerler júıege qol qoıylǵan joldamany 29 maýsymdy qosa eseptegende qujat qabyldaý aıaqtalǵansha tirkeýi kerek.

Bıyldan bastap modýldik oqytý qaǵıdaty boıynsha magıstratýra memlekettik qyzmetshi emes tulǵalarǵa, ıaǵnı kvazımemlekettik jáne jeke sektor ókilderine ǵana arnalady.

Ótinimder qabyldaý protsesi 3 sáýirden 29 maýsymǵa deıin 3 aıǵa sozylady. Konkýrstyń birinshi kezeńi – analıtıkalyq esse jazý úshin 5 shildeden 14 shildege deıingi kezeń qarastyrylǵan. Doktorantýraǵa úmitkerler zertteý jumysynyń josparyn (Research proposal) 29 maýsymǵa deıin júkteýi tıis, Jospar 16 shildege deıin (sol kúndi qosa eseptegende) baǵalanady.

Qorytyndy kezeń – suhbattasý, 17 shilde men 4 tamyz kúnderi akademııada oflaın formatta ótedi. 7 tamyzda aralyq qorytyndy shyǵarylady – aldyn ala qabyldanǵan úmitkerler tizimi jarııalanady, al 14 tamyzda kelisimsharttarǵa qol qoıylǵan soń oqýǵa qabyldaý týraly buıryq shyǵady.

Aıta keteıik, Memlekettik basqarý akademııasy 29 maýsymǵa deıin magıstratýra men doktorantýraǵa qujat qabyldaıdy. Oǵan memlekettik qyzmetshiler, sondaı-aq kvazımemlekettik jáne jeke sektordan úmitkerler qatysa alady. Bıyl Úkimet magıstratýraǵa 120 grant jáne doktorantýra baǵdarlamasy boıynsha – 12 grant bólgen.