Doktoranttardyń dıssertatsııa taqyrybyn bekitý merzimi uzartylady - QR BǴM

NUR-SULTAN. QazAqparat – QR Bilim jáne ǵylym mınıstrligi doktoranttardyń dıssertatsııa taqyrybyn oqýdyń birinshi semestrinde bekitýi týraly erejeni ózgertýdi usyndy. Bul týraly mınıstr Ashat Aımaǵambetov Feısbýk jelisinde jazdy», dep habarlaıdy QazAqparat.

«Jaqynda doktoranttar ózge stýdentter sııaqty jańa oqý jylyn bastaıdy. Qazirgi normatıvtik aktilerge sáıkes, doktoranttar dıssertatsııa taqyrybyn oqýdyń birinshi semestrinde bekitýi kerek. Іs júzinde bul únemi derlik resmı sıpatta bolady. Doktorant pen onyń jetekshisi dıssertatsııa taqyrybyn bekitý merzimin onyń pysyqtalýyna qaraı ózderi belgileýi tıis. Bilim men ǵylymda resmı tásil bolmaýy kerek! Bul doktoranttardyń Jeke oqý josparyn (JOJ) bekitý merzimderine de qatysty. BǴM mundaı qujattardyń merzimderi men mazmunyn rettemeýi tıis. Biz JOO-lardaǵy esep berýdi azaıtý úshin odan ári jumys isteımiz», - dep jazdy mınıstr Facebook -tegi paraqshasynda.

Sonymen birge, mınıstr ortasha bilim berýdegi oqý jetistikterin syrttaı baǵalaýdy (OB OJSB) joıýdy usyndy.

«Baqylaýdyń bul túri eshqashan tıimdi bolmaǵan. Akademııalyq derbestikti keńeıtý jaǵdaıynda árbir JOO óziniń bilim berý baǵdarlamalaryn daıyndaǵanda OJSB is júzinde qajet bolmaı qalady», - deıdi A. Aımaǵambetov.

Buǵan deıin Bilim mınıstri qashyqtan nemese aralas oqý túrin tańdaý múmkindigin engizýdi.