Doktoranttardyń shákirtaqysyn 4-5 jylda 500 myń teńgege jetkizemiz – mınıstr

<p>Aldaǵy 4-5 jyldyń ishinde doktoranttardyń shákirtaqysy 500 myń teńgege jetedi. Bul týraly Ǵylym jáne joǵary bilim mınıstri Saıasat Nurbek aıtty, dep habarlaıdy <a href="Kazinform." target="_blank" rel="noopener">Kazinform.</a></p>

«3 jyl doktorantýrada oqyp, PhD alyp shyqqannan keıin osy oqyǵan ýaqyty ýnıversıtetke kelgende esepke alynbaıdy. Oqytýshylyqtan bastaýyna týra keledi. Bizde, oqytýshy, aǵa oqytýshy, qaýymdastyrylǵan professor, professor dep bólinedi. Professorlyqqa jetkenge deıin biraz ýaqyt ótedi. Maqalalar jazyp, granttarǵa qatysýy kerek. Sondyqtan eń aldymen PhD qaǵıdattaryn ózgertip jatyrmyz. PhD shákirtaqysyn kóteremiz. Bıyl 217 myń teńgege jetti. Jyl saıyn 20 paıyz kóterilip otyrady. Aldaǵy 4-5 jyldyń ishinde 500 myń teńgege deıin jetkizý josparymyzda bar», - dedi mınıstr Jibek Joly telearnasynyń «Ýáde» baǵdarlamasyna bergen suhbatynda. 

Osy oraıda mınıstr ótken jyldan bastap úsh jyldyq «jas ǵalym» granttary berile bastaǵanyn aıtady.

«Aılyǵy 500 myń teńge bolady. Jas ǵalymdy tartý jáne ǵylym jolynda qaldyrý úshin birneshe keshendi is-sharany qabyldap jatyrmyz», - dedi Saıasat Nurbek.