Dohadaǵy sammıtten keıin Brent munaıynyń baǵasy tómendedi
07:43, 18 Sáýir 2016
ASTANA. QazAqparat - Londondaǵy ICE bırjasyna Brent munaıynyń baǵasy demalys kúnderindegi úzilisten keıin saýda-sattyqtyń alǵashqy mınýttarynda-aq 7 paıyzdan astamǵa tómendep, barreli 40,22 dollar boldy. Buny bırja málimetteri aıǵaqtaıdy, dep habarlady Lenta.ru.
Baǵanyń quldyraýy 17 sáýirde, jeksenbi kúni ótken Dohadaǵy kezdesýde taraptar munaı óndirýdi shekteýge kelisimge kele almaǵannan keıin boldy. Osy formattaǵy kelesi kezdesý maýsymda ótpek.
2016 jyldyń basynda munaı baǵalarynyń bir barreli 30 dollardan da tómendegen bolatyn. Dohadaǵy kezdesýdiń maqsaty olardy túzetý boldy. Kelissózge qatysýshylar talqylamaqshy bolǵan jobada munaı óndirýdi aǵymdaǵy jyldyń qańtarynan qazanǵa deıin shekteý kózdelgen.