Dohada Qazaqstan men Katar arasynda vızadan bosatý jaıy talqylandy

DOHA. QazAqparat - QR Syrtqy ister mınıstrligi Konsýldyq qyzmet departamentiniń dırektory Taýboldy Úmbetbaev Katar Syrtqy ister mınıstrligi Konsýldyq qatynastar departamentiniń dırektory Mýhammad Abdýllah Saıd Al-Sýbaeı jáne Azııa departamentiniń dırektory Haled Ibragım Abdýlrahman Al-Hamarmen kezdesýler ótkizdi, dep habarlaıdy QR SІM baspasóz qyzmeti.

Júzdesýler barysynda Qazaqstan men Qatar arasyndaǵy konsýldyq-quqyqtyq, vızalyq jáne týrızm salalaryndaǵy qatynastardyń qazirgi jaǵdaıy men olardy ári qaraı damytý joldary talqylandy.

 Atap aıtqanda, taraptar eki memleket azamattarynyń qyzmettik jáne ulttyq pasport ıelerin ózara vıza talaptarynan bosatý múmkindikteri týraly pikir almasty.

Qazaqstan tarapy qazirgi ýaqytta Katar tarapynyń quzyrly organdarynyń qaraýyndaǵy eki eldiń azamattaryna konsýldyq jáne quqyqtyq kómek kórsetý salasyndaǵy kelisimderdiń jobalaryn qarastyrý protsesin jyldamdatý týraly ótinish bildirdi.