Dodon Moldovada ótken prezıdenttik saılaýda jeńiske jetkenin málim etti

ASTANA. QazAqparat - Moldavııanyń sotsıalıster partııasynyń kóshbasshysy Igor Dodon el prezıdentiniń tikeleı saılaýynda jeńiske jetkenin jarııalady, dep habarlaıdy Rıa Novostı.

«Men búgingi saılaýda jeńiske jetkenimizdi nyq senimmen aıta alamyn. Muhıttyń ar jaǵynda daýys berý jalǵasyp jatyr. Alaıda, bizdiń osy ýaqyttyń ózinde 50 paıyz jáne plıýs bir daýys jınaǵanymyz belgili boldy. Biz jeńdik»,-dedi ol brıfıngte.

Dodon óziniń Eýropany qoldaýshy oń kúshterdiń atynan saılaýǵa túsken qarsylas kandıdaty Maıe Sandýdy elektoratty tynyshtandyrýǵa shaqyrdy. «Men sizdiń jaqsy ári laıyqty nátıje kórsetkenińizben quttyqtaımyn. Alaıda, qazir biz qoǵamnyń ekige jarylýynyń aldyn alýymyz kerek»,-dedi sotsıalıst.

Dodonnyń sózinshe, ol búkil Moldova halqynyń prezıdenti bolady. ıAǵnı ońshyldardyń da, solshyldardyń da, óziniń jaqtastary men qarsylastarynyń da.

Sandý daýys berý ýchaskelerin jabyla salysymen osy jolǵy prezıdenttik saılaýdyń nashar uıymdastyrylǵandyǵyn aıtqan. Onyń pikirinshe, bılik ókilderi onyń shet memleketterdegi saılaý ýchaskeleri men daýys berý bıýlletenderiniń sanyn arttyrý jónindegi talabyn nazarǵa almady.

Sandý eldiń Syrtqy ister mınısti men Ortalyq saılaý komıssııasy basshysynyń qyzmetten ketýin talap etti. Sebebi Londondaǵy saılaý ýchaskeleriniń birinde daýys berý bıýlletenderi bitip qalǵan. ıAǵnı, respýblıka azamattarynyń daýys berý quqyqtary shekteldi.

Moldavııanyń Ortalyq saılaý komıssııasynyń málimetterinshe, hattamalardyń 98,32 paıyzy eseptelgennen keıin Dodonnyń 54,24 paıyz, al, Sandýdyń 45,76 paıyz daýys jınaǵandyǵy belgili boldy, dep jazdy lenta.ru.