Dinmuhamed Qonaevtyń qaıtys bolǵanyna búgin — 31 jyl
21:05, 22 Tamyz 2024
<p>ALMATY. KAZINFORM — Asa kórnekti memleket jáne qoǵam qaıratkeri, úsh márte Sotsıalıstik Eńbek Eri, Qazaq KSR Ǵylym akademııasynyń akademıgi, tehnıka ǵylymdarynyń doktory Dinmuhamed Ahmetuly Qonaevtyń ómirden ótkenine 31 jyl. Almatylyqtar eskertkishine gúl shoqtary qoıdy.</p>
Іs-sharaǵa Dinmuhamed Qonaevtyń qyzmettes izbasarlary, memleket jáne qoǵam qaıratkerleri, týǵan-týystary, BAQ ókilderi, qala turǵyndary men qonaqtary qatysty.
«Dımash Ahmeduly máńgi júregimizde. Onyń eńbegi men jetistikteri árkez el esinde. Buǵan bıyl Dinmuhamed Qonaevtyń ómiri men qyzmetine arnalǵan kitaptardyń shyǵýy dálel», — dep atap ótti D. A. Qonaev atyndaǵy Halyqaralyq qordyń prezıdenti Eldar Qonaev.
Saltanatty rásim sońynda qatysýshylar úshin Dinmuhamed Qonaevtyń murajaı-úıine jáne memorıaldyq páterine ekskýrsııa ótti.
Eksponattar qatarynda 1992 jyly Dinmuhamed Ahmedulynae syıǵa tartylǵan jáne demeýshilerdiń qoldaýynyń arqasynda kezekti mereıtoıyna qalpyna keltirilgen Pontiac Grant Prix jeke avtokóligi erekshe kózge tústi.