Dinı materıaldardy taratqan aqmolalyqqa aıyppul salyndy

<p>KÓKShETAÝ. KAZINFORM &mdash; Aqmola oblysynyń turǵynyna dinı materıaldardy zańsyz taratqany úshin aıyppul salyndy. Er adam óziniń árketin ıdeıamen bólisýge jáne ózi úshin jańa nárse bilýge degen umtylysymen túsindirdi. Dinı materıaldardy taratý deregi polıtsııa qyzmetkerleri júrgizgen monıtorıng barysynda anyqtaldy.</p>

Aqmola oblysy PD baspasóz qyzmetiniń málimetinshe, ekstremızmge qarsy is-qımyl basqarmasynyń qyzmetkerleri 40 jastaǵy kókshetaýlyqtyń «Telegram» mobıldik qosymshasy jáne «WhatsApp» messendjeri arqyly dinı sıpattaǵy materıaldardy taratqanyn, sol arqyly Qazaqstan Respýblıkasynyń Dinı qyzmet jáne dinı birlestikter týraly qoldanystaǵy zańnamasyn buzǵanyn anyqtady. 

Aqmolalyqtyń zańsyz áreketin keshendi sot psıhologııalyq-fılologııalyq jáne dintaný saraptamalary rastady. 

Kókshetaý qalasynyń ákimshilik ister jónindegi mamandandyrylǵan sotynyń qaýlysymen er adam QR Ákimshilik quqyqbuzshylyq 490-baby boıynsha Ákimshilik quqyq buzýshylyq jasaǵany úshin kináli dep tanyldy jáne oǵan 129 220 teńge somasynda ákimshilik aıyppul túrinde jaza qoldanyldy.

Polıtseıler qoldanystaǵy zańnamaǵa sáıkes dinı ádebıetterdi, dinı mazmundaǵy materıaldar men dinı maqsattaǵy zattardy tek belgilengen oryndarda taratýǵa jol beriletinin eske salady.

Eske sala keteıik, budan buryn Aqmola oblysynda alaıaqtyq jasady degen kúdikpen túrme bastyǵy ustalǵanyn jazǵan edik.