Dinı qyzmet salasyndaǵy zańnamaǵa qandaı ózgerister engizilmek

<p>Májilis depýtattarynyń saýalyna jaýap bergen Premer-Mınıstr Álıhan Smaıylov dinı qyzmet salasyndaǵy zańnamaǵa qandaı ózgerister engizý máselesi pysyqtalyp jatqanyn aıtty, dep habarlaıdy Kazinform.</p>

«Bul máseleniń qazirgi jaǵdaıdaǵy ózektiligin eskere otyryp, Úkimet dinı qyzmet salasyndaǵy zańnamany, atap aıtqanda «destrýktıvti dinı aǵym» jáne «dinı radıkalızm» uǵymdaryn engizý; destrýktıvti dinı aǵymdardy ustanýshylarmen ońaltý jumysyn zańnamalyq qamtamasyz etý; dinı ádebıetterdi, aqparattyq materıaldar men dinı maqsattaǵy zattardy taratýǵa múmkindik beretin sýbektilerdiń tizbesin ázirleý; ınternet-resýrstar; qoǵamdyq oryndarda betti tanýǵa kedergi keltiretin kıim zattaryn kııýge shekteýler engizý jáne taǵy basqalaryn jetildirý boıynsha jumys atqarýda», - dep atap ótedi Úkimet basshysy jaýabynda.

Premer-Mınıstrdiń atap ótýinshe, atalǵan túzetýlerdi talqylaý jáne kelisilgen sheshim ázirleý maqsatynda Qazaqstan Musylmandary dinı basqarmasymen, teologtarmen, sarapshylar qaýymdastyǵy jáne múddeli memlekettik organdarmen birlesken otyrystar, dóńgelek ústelder men semınarlar ótkizilip jatyr.