Dinı birlestik qurý úshin neshe adamnyń bastamasy kerek – Mınıstr jaýap berdi

<p>Májilis depýtattaryna Qazaqstan zańdaryna qoǵamdyq birlestikter baǵytynda ózgerister men tolyqtyrýlar engizýdi kózdeıtin zań jobasyn tanystyrǵan Mádenıet jáne aqparat mınıstri Aıda Balaeva dinı birlestik qurý úshin neshe adamnyń bastamasy kerektigin aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Qoǵamdyq birlestik qurý úshin 3 adamnyń bastamasy jetkilikti bolatynyn aıtyp otyrsyz. Siz usynyp otyrǵan ózgerister men tolyqtyrýlardyń múmkindigin paıdalanyp, dinı radıkaldy toptar ózderiniń qoǵamdyq birlestikterin qurýǵa kirisetini aıdan anyq. Ózderi qurýy múmkin, bireýlerdiń atynan ashýy múmkin. Osyny retteýdiń qandaı múmkindikteri bar?», - dep surady depýtat Ermurat Bapı.

Mınıstrdiń sózinshe, olaı ýaıymdaýǵa negiz joq.

«Dinı birlestikterdi qurý, tirkeý bul zań jobasynyń tetigine kirmeıdi. Olardyń arnaıy zańdary bar – «Dinı qyzmet jáne dinı birlestikter týraly» zań. Osy zańda dinı birlestikterdi qurý úshin jergilikti orynda 50 adam, respýblıka deńgeıinde 5 myń adam nıet etkende ǵana tirkeledi. Al osy zań jobasyna bul tetikter kirmeıdi. Sondyqtan ondaı qaýip-qater joq. Ýaıymdamaýǵa bolady», - dedi Aıda Balaeva.