Dmıtrıı ıAkovenkony atyp óltirgen polıtsııa ofıtseriniń isi QR Bas prokýrorynyń tikeleı baqylaýyna alyndy

TALDYQORǴAN: QazAqparat - Ózin-ózi qorǵaý maqsatynda Dıma ıAkovenkony atyp óltirgen polıtsııa ofıtseri Azamat Nurlybaevtyń isin QR Bas prokýrory Ashat Daýylbaev óziniń tikeleı baqylaýyna aldy. Bul týraly Almaty oblysynyń prokýrory Ǵabıt Mırazov habarlady.

- Qazir is Almaty oblysy arnaıy prokýrorlarynyń qaraýynda. Olar bul isti tergeýmen aınalysýda, - dedi Ǵabıt Mırazov.

Eske sala keteıik, oqıǵa 30 shildede túnde boldy. Almaty oblysy ІІD baspasóz qyzmetiniń habarlaýynsha, kezekshige Taldyqorǵannyń ortalyq kósheleriniń birinde terezeleri tolyq qarańǵylanǵan jáne aldyndaǵy nómiri joq «Toyota Camry-40» avtomashınasy qatty jyldamdyqpen júrip kele jatqany jaıly dabyl tústi.

30 shildede saǵat 22 shamasynda osy mashınany quramynda polıtsııa kapıtany B.Shamshıdınov, polıtsııa aǵa leıtenanty A.Nurlybaev jáne polıtsııa kishi serjanty A.Baıbekov bar «Búrkit-157» patrýldik jasaǵy Táýelsizdik-Eskeldi bı kósheleriniń qıylysynda baıqady.

«Toıota-Kamrı 40» avtomashınasynyń júrgizýshisi qujattaryn tekserý kezinde polıtsııa qyzmetkerleriniń talaptaryna qaramastan iz jasyrýǵa árekettendi.

Polıtsııa aǵa leıtenaty Azamat Nurlybaev júrgizýshiniń quqyqqa qarsy áreketterine tosqaýyl qoımaq boldy. Al júrgizýshi shuǵyl manevr jasap, óz mashınasynyń kapoty shetimen polıtsııa qyzmetkerin ilip ketip, úlken jyldamdyqta ony 189 metrge deıin súıredi.

«Búrkit-157» ekıpajynyń kásibı qımylymen «Toıota-Kamrı 40» avtomashınasynyń qozǵalysyna tosqaýyl qoıyldy. Avtomashına júrgizýshisi polıtsııa qyzmetkerlerine qarsylyq kórsetkenimen ol ustalyp, qolyna kisen salyndy.

«Toıota-Kamrı 40» avtomashınasynda úsh jolaýshy: eki qyz ben er adam boldy.

«Polıtsııa qyzmetkerleriniń talap etýimen jolaýshylar avtomashınadan shyqty. Jolaýshylardyń biri, er adam polıtsııa qyzmetkerleriniń talabyna baǵynbaı, qolyndaǵy pyshaǵymen polıtseıge qaraı buryldy. Polıtsııa qyzmetkeri ózin qorǵaý maqsatynda tabeldik qarýyn paıdalandy», - dep habarlady oblystyq ІІD baspasóz qyzmeti. Alǵan jaraqattarynan 29 jastaǵy Dmıtrıı ıAkovenko kóz jumdy. Biraq ta onyń dostary men jaqyndary oqıǵanyń resmı nusqasyna senbeıdi. Olar Dmıtrıı ondaı adam emes, pyshaqpen qorqytýy múmkin emes degendi aıtady. Ózin qorǵaý jóninde áńgime bolýy múmkin emes, dep sanaıdy Dmıtrııdiń jaqyndary. Ol tárbıeli, zańǵa saı áreket etetin adam edi, deıdi olar.

Jolaýshylardyń biri Darıa Ilchenkoniń aıtýynsha, Dıma ıAkovenkonyń qolynda ony óltirý kezinde pyshaq bolmaǵan.

- Ol bizge tapanshasyn kezep, aıqaılaı bastady, biz mashınadan shyqtyq. Biz qorqyp ketip, baǵynýǵa tıis boldyq. Budan ári tártip saqshysy bizdiń mashınaǵa betimizdi buryp, qolymyzdy kapottyń ústine qoıýdy buıyrdy. Biz onyń aıtqanyn oryndadyq. Biraq ta ol muny mise tutpady, - dep eske alady Darıa.

Qyzdyń aıtýynsha, yzalanǵan polıtseı olardyń dosynyń jelkesine tapansha kezep, qolyn jaýyrynyna qaıyryp, ony tize búktirý úshin, aıaqtaryn tebe bastaǵan.

Al Dıma qolyn bosatýǵa árekettenip, birdeńe aıtqysy kelgen kezde, oq atyldy, - deıdi kýáger.