ASTANA. KAZINFORM — Qazaqstandyq tennısshi, álemniń 163-raketkasy Dmıtrıı Popko Zagreb (Horvatııa) chellendjer týrnıriniń ekinshi aınalymyna shyqty.
Qazaqstandyq sportshy bastapqy kezdesýin dúnıejúzilik reıtıngide 342-orynda turǵan horvatııalyq Mateı Dodıgpen ótkizdi.
Qarsylastar osyǵan deıin eki ret kezdesip, bir-birden jeńiske jetken edi.
Bul joly eki set te 6:4 esebimen Popkonyń esebine jazyldy. Eki saǵatqa jýyq ýaqytqa sozylǵan tartysty básekede ol eıs jasamaǵanymen, 9 breık-poınttyń ekeýin paıdalandy. Dodıg 2 eıspen shekteldi.
Dmıtrıı Popko shırek fınalǵa shyǵý úshin álemniń 270-raketkasy, taǵy bir horvatııalyq Mılı Polıchak nemese reıtıngide 348-satydaǵy bosnııalyq Nerman Fatıchtiń qaı jeńgenimen talasady.
Búgin sondaı-aq reıtıngide 220-oryndaǵy Beıbit Juqaev alǵashqy aınalymda álemniń 127-raketkasy, Shveıtsarııa ókili Jerom Kımnen ótýge tyrysyp kóredi.
Eske sala keteıik, budan buryn tennısten álem chempıonatynda qazaqstandyq qyzdardyń irikteý týrnırinde alǵashqy jeńisine qol jetkizgenin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).