Dmıtrıı Popko Rýmynııadaǵy jarystyń 1/8 fınalyna ótti

<p>ASTANA. KAZINFORM — Qazaqstandyq, álemniń 222-raketkasy Dmıtrıı Popko Brashov (Rýmynııa) chellendjer týrnıriniń 1/8 fınalyna ótti.</p>

Jarystyń 8-raketkasy bolyp tirkelgen qazaqstandyq tennısshi bastapqy kezdesýin dúnıejúzilik reıtıngide 458-orynda turǵan chehııalyq Gınek Bartonmen sátti ótkizdi.

D.Popko chehııalyq sportshyny 6:4, 6:3 esebimen tize búktirdi.

Saǵat jarymnan astam ýaqytqa sozylǵan básekede ol 2 eıspen birge 12 breık-poınttyń úsheýin paıdalandy.

G.Barton 4 eıs, 1 breıkpen (2 breık-poınt) kózge tústi.

Dmıtrıı Popkonyń ekinshi aınalymdaǵy qarsylasy keıin anyqtalady.

Eske sala keteıik, budan buryn Elena Rybakınanyń Ýımbldon týrnırin jeńispen bastaǵanyn jazǵan bolatynbyz.