ASTANA. KAZINFORM — Qazaqstandyq tennısshi Dmıtrıı Popko Morelos (Meksıka) chellendjer týrnıriniń fınalyna deıin jetti.
Qazaqstandyq tennısshi sońǵy básekede álemniń 168-raketkasy, shveıtsarııalyq Mark-Andrea Hıýslermen bas júldeni sarapqa saldy.
Birinshi partııada shveıtsarııalyq sportshy 6:4 esebimen basym tússe, ekinshisinde Popko ese qaıtardy – 6:3.
Sheshýshi, úshinshi set Hıýslerdiń paıdasyna sheshildi – 6:4.
Eki saǵatqa jýyq ýaqytqa sozylǵan match barysynda Popko 7 eıske qosa 5 breık-poınttyń ekeýin paıdalandy. Hıýsler 12 eıs, 3 breıkpen (5 breık-poınt) kózge tústi.
Budan buryn Morelııadaǵy osyndaı jarysta jeńimpaz atanǵan D.Popko álemdik reıtıngide 175-ten 159-orynǵa kóteriledi.
Eske sala keteıik, budan buryn Dmıtrıı Popkonyń ekinshi ret qatarynan Meksıkadaǵy týrnırdiń fınalyna shyqqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).