Dmıtrıı Popko Kolýmbııadaǵy jarystyń shırek fınalyna shyqty

<p>ASTANA. KAZINFORM — Qazaqstandyq tennısshi, álemniń 187-raketkasy Dmıtrıı Popko Bogota (Kolýmbııa) chellendjer týrnıriniń shırek fınalyna ótti.</p>

Jarystyń 3-raketkasy bolyp tirkelgen D. Popko ekinshi aınalymda dúnıejúzilik reıtıngide 307-orynda turǵan ulybrıtanııalyq Djeı Klarkpen betpe-bet keldi.

Birinshi partııada qazaqstandyq tennısshi 6:2 esebimen basym tústi. Ekinshi sette 5:2 esebimen alǵa ketkenimen, óz geımin berip qoıdy. Degepmen matchty jeńispen túıindedi — 6:4. 

Saǵat jarymnan astam ýaqytqa sozylǵan kezdesýde Popko 6 eıspen birge 16 breık-poınttyń tórteýin ǵana paıdalandy. Klark 1 eıs, 1 breıkpen (4 breık-poınt) shekteldi.

Dmıtrıı Popkonyń shırek fınaldaǵy qarsylasy keıin anyqtalady.

Qazaqstannyń birinshi, álemniń 25-raketkasy Aleksandr Býblık Monreal (Kanada) masters týrnıriniń alǵashqy aınalymynda-aq utylyp qaldy.

Ol álemniń 14-raketkasy, amerıkalyq Ben Sheltonǵa jol berdi — 6:7 (4:7), 2:6.

Degenmen A.Býblık juptyq synda dál sol B.Sheltonmen birge ekinshi aınalymǵa ótip, jarysty jalǵastyrady. 

Eske sala keteıik, budan buryn Rolan Garrosqa irikteýde 6 qazaqstandyq jas tennısshiniń alǵashqy jeńisine qol jetkizgenin jazǵan edik.