ASTANA. KAZINFORM — Qazaqstandyq tennısshi, álemniń 187-raketkasy Dmıtrıı Popko Bogota (Kolýmbııa) chellendjer týrnırin jeńispen bastady.
Jarystyń 3-raketkasy bolyp tirkelgen qazaqstandyq sportshy bastapqy kezdesýin dúnıejúzilik reıtıngide 469-orynda turǵan amerıkalyq Harrıson Adamspen ótkizdi.
Birinshi partııada Popko 7:5 esebimen basym tússe, ekinshisinde Adams ese qaıyrdy – 6:4.
Úshinshi, sheshýshi sette Popko jeńisti julyp aldy – 6:3.
Eki saǵat 14 mınýtqa sozylǵan tartysty báseke barysynda qazaqstandyq tennısshi 8 eıspen birge 11 breık-poınttyń úsheýin ǵana júzege asyrdy. Adams 4 eıs, 2 breıkpen (6 breık-poınt) erekshelendi.
Dmıtrıı Popko shırek fınalǵa shyǵý úshin álemniń 307-raketkasy, ulybrıtanııalyq Djeı Klarkpen talasady.
Eske sala keteıik, budan buryn Beıbit Juqaevtyń AQSh-taǵy jarystar serııasyn sátti bastaǵanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).