Dmıtrıı Popko ITF týrnırlerinde bıylǵy besinshi tıtýlyna qol jetkizdi

<p>ASTANA. KAZINFORM - Qazaqstandyq, álemniń 276-raketkasy Dmıtrıı Popko Feıra-de-Santana (Brazılııa) ITF M25 týrnıriniń chempıony atandy.</p>

Dodanyń 1-raketkasy bolyp tirkelgen qazaqstandyq tennısshi sońǵy synda dúnıejúzilik reıtıngide 771-orynda turǵan amerıkalyq Harrıson Adamspen kezdesti. Dmıtrıı Popko qarsylasyn 6:4, 6:4 esebimen jeńdi.

Osylaısha, qazaqstandyq sportshy bıyl ITF jarystaryndaǵy besinshi tıtýlyna qol jetkizdi. 

Sondaı-aq ol osy jetistiginiń arqasynda dúısenbide jańartylatyn ATP reıtıngisinde 250-orynǵa kóteriledi. 

Eske sala keteıik, budan buryn Dmıtrıı Popkonyń Brazılııadaǵy jarystyń fınalyna ótkenin jazǵan bolatynbyz.