ASTANA. KAZINFORM – Qazaqstandyq, álemniń 244-raketkasy Dmıtrıı Popko Zagreb (Horvatııa) chellendjer týrnıriniń shırek fınalyna ótti.
Qazaqstandyq tennısshi ekinshi aınalymda dúnıejúzilik reıtıngide ózinen 40 saty joǵary turǵan horvatııalyq Dıno Prıjmıchpen kezdesti.
Bir saǵat 40 mınýtqa sozylǵan matchta Popko kort ıesin joldan taıdyrdy – 6:2, 6:4. Ol 4 eıspen birge 9 breık-poınttyń beseýin óz esebine tirkedi. Prıjmıch 2 eıs, 2 breıkten (8 breık-poınt) asa almady.
Dmıtrıı Popko jartylaı fınalǵa shyǵý úshin horvatııalyqtar, álemniń 358-raketkasy Nıno Serdarýshıch nemese reıtıngide 359-oryndaǵy Mateı Dodıgtiń bireýimen sheberlik talastyrady.
D.Popko qazirgi kezde ATP Live reıtıngisinde 231-orynǵa kóterilip tur.
Eske sala keteıik, budan buryn Anna Danılınanyń Italııadaǵy týrnırdiń fınalyna shyqqanyn jazǵan bolatynbyz.
Sondaı-aq Ámir Omarhanov Rolan Garrosta sensatsııa jasap, jarystyń 3-raketkasyn utyp, jartylaı fınalǵa ótti.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).