Dmıtrıı Popko Florıda shtatynda qatarynan úshinshi ret fınalǵa ótti

<p>ASTANA. KAZINFORM &ndash; Qazaqstandyq, álemniń 325-raketkasy Dmıtrıı Popko Naples (AQSh) ITF týrnıriniń fınalyna shyqty.</p>

Jarystyń 3-raketkasy bolyp tirkelgen qazaqstandyq tennısshi jartylaı fınalda álemdik reıtıngide 442-orynda turǵan domınıkandyq Roberto Sıdpen betpe-bet keldi. Birinshi partııada 3:0 esebimen alǵa shyqqan Popko sol basymdylyǵyn joǵaltqan joq – 6:3. Ekinshi sette esep 5:4 bolǵan mezette Sıd breık jasap ketti – 6:4.

Úshinshi, sheshýshi partııa Dmıtrıı birden breık jasady – 2:0. Sodan keıin taǵy bir breıkpen esepti 5:1-ge jetkizdi. Aqyry matchty jeńispen túıindedi – 6:2. Tartysty match 3 saǵattan astam ýaqytqa sozyldy.

Dmıtrıı Popko sońǵy básekede reıtıngide 649-satydaǵy ekvadorlyq Andres Andrademen chempıondyq ataq úshin baryn salady.

Osymen Florıda shtatyndaǵy úshinshi týrnırde fınalǵa shyqqan qazaqstandyq tennısshi buǵan deıin eki ret chempıon atanǵan edi. Sonyń ishinde 20 aqpanda Palm-Koýst qalasyndaǵy jarystyń fınalynda A.Andradeni 7:5, 1:6, 7:5 esebimen utqan bolatyn. Endi onymen ekinshi ret kezdespekshi.

Eske sala keteıik, budan buryn Dmıtrıı Popkonyń AQSh-ta ekinshi ret qatarynan ITF jarysynyń jeńimpazy atanǵanyn jazǵan bolatynbyz.

Sondaı-aq Aleksandr Nedovesov Meksıkadaǵy ATP 250 týrnıriniń fınalyna shyqty.