ASTANA. KAZINFORM — Qazaqstandyq, álemniń 276-raketkasy Dmıtrıı Popko Feıra-de-Santana (Brazılııa) ITF týrnıriniń fınalyna ótti.
Jarystyń 1-raketkasy bolyp tirkelgen qazaqstandyq tennısshi jartylaı fınalda dúnıejúzilik reıtıngide 383-satyda turǵan germanııalyq Lýıs Vesselspen kortqa shyqty.
Dmıtrıı Popko qarsylasyn 6:1, 7:5 esebimen tize búktirdi.
Qazaqstandyq sportshy fınalda reıtıngide 771-satydaǵy Harrıson Adamspen bas júldeni sarapqa salady.
H.Adams jartylaı fınalda álemniń 392-raketkasy, brazılııalyq Mateýsh Alveshten aılasyn asyrdy – 6:4, 7:6 (9:7).
D.Popko qazirdiń ózinde ATP Live reıtıngisinde birden 249-orynǵa kóterilip tur.
Eske sala keteıik, budan buryn Dmıtrıı Popkonyń Brazılııadaǵy jarystyń jartylaı fınalyna joldama alǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).