Dmıtrıı Popko Argentınadaǵy jarystyń jartylaı fınalyna ótti

<p>ASTANA. KAZINFORM &mdash; Qazaqstandyq, álemniń 309-raketkasy Dmıtrıı Popko Týkýman (Argentına) ITF týrnıriniń jartylaı fınalyna shyqty.</p>

Jarystyń 3-raketkasy bolyp tirkelgen qazaqstandyq tennısshi shırek fınalda dúnıejúzilik reıtıngide 609-satyda turǵan bolıvııalyq Hýan Karlos Prado Anhelomen synǵa tústi.

Dmıtrıı Popko bolıvııalyq tennısshiden 6:4, 6:3 esebimen aılasyn asyrdy.

Qazaqstandyq sportshynyń jartylaı fınaldaǵy qarsylasy keıin anyqtalady.

Osylaısha, budan burynǵy AQSh-taǵy úsh ITF týrnırin qosa eseptegende, Dmıtrıı Popko qatarynan 18 oıyndy tek utyspen aıaqtap otyr.

Taǵy bir qazaqstandyq Mıhaıl Kýkýshkınniń jeńis serııasy 10 matchqa jetti. Ol Ispanııadaǵy Tenerıfe chellendjer jarysynyń jartylaı fınalynda reıtıngide 399-satydaǵy ıspanııalyq Martın Landalýsemen oınaıdy.

Osynyń nátıjesinde ATP Live reıtıngisinde M.Kýkýshkın 165-ten 156-ǵa, D.Popko 309-dan birden 276-orynǵa kóterilip tur.

Eske sala keteıik, budan buryn Aleksandr Býblıktiń Dýbaıda álemniń 5-raketkasyn jeńip, fınalǵa shyqqanyn jazǵan edik.

Sondaı-aq Aleksandr Býblık álemdik reıtıngide alǵash ret TOP-20-ǵa kiredi.