Dmıtrıı Popko AQSh-taǵy jarystyń jartylaı fınalyna ótti

<p>ASTANA. KAZINFORM &ndash; Qazaqstandyq, álemniń 338-raketkasy Dmıtrıı Popko AQSh-taǵy Palm-Koýst ITF jarysynyń jartylaı fınalyna ótti.</p>

Týrnırdiń 2-raketkasy bolyp tirkelgen qazaqstandyq tennısshi shırek fınalda dúnıejúzilik reıtıngide 821-orynda turǵan amerıkalyq Aksel Nefvemen kortqa shyqty.

D.Popko ótken aptada Sanraızda A.Nefveni 6:7 (9:11), 7:5, 6:2 esebimen jeńgen edi.

Bul joly Dmıtrıı kezdesýdi eki setpen aıaqtady 7:6 (7:1), 6:2.

Dmıtrıı Popko fınalǵa shyǵý úshin álemniń 440-raketkasy, rýmynııalyq Gabı Adrıan Boıtanmen talasady.

Taǵy bir qazaqstandyq, álemniń 57-raketkasy Aleksandr Shevchenko Rotterdam ATP 500 týrnıriniń jartylaı fınalynan tys qaldy. Onyń jolyn shırek fınalda tartysty matchta álemniń 13-raketkasy, bolgarııalyq Grıgor Dımıtrov bógedi – 7:6 (7:2), 3:6, 6:4.

Sondaı-aq Jibek Qulambaeva juptyq synda taılandyq Lanlana Tararýdımen birge Taılandtaǵy ITF dodasynyń jartylaı fınalynda súrindi. Olar qytaılyqtar Shýo Fen – Ýshýan Chjenge jol berdi – 2:6, 4:6.

Eske sala keteıik, budan buryn Elena Rybakınanyń Doha týrnıriniń fınalyna shyqqanyn jazǵan bolatynbyz.