Dmıtrıı Popko AQSh-taǵy jarystyń chempıony atandy

<p>ASTANA. KAZINFORM &ndash; Qazaqstandyq, álemniń 339-raketkasy Dmıtrıı Popko AQSh-tyń Sanraız qalasynda (Florıda shtaty) ótken ITF týrnıriniń jeńimpazy atandy.</p>

Jarystyń 2-raketkasy bolyp tirkelgen qazaqstandyq tennısshi fınalda dúnıejúzilik reıtıngide 538-orynda turǵan amerıkalyq Aleks Rybakovpen chempıondyq ataqty sarapqa saldy.

Birinshi partııada D.Popko 7:5 esebimen basym tústi.

Ekinshi sette amerıkalyq tennısshi 2:0 esebimen alǵa shyqty. Alaıda budan keıin Dmıtrıı Popko qatarynan alty geımdi óz esebine jazdy – 6:2.

Tartysty match eki saǵatqa jýyq ýaqytqa sozyldy.

Eske sala keteıik, budan buryn Elena Rybakınanyń Ábý-Dabı týrnıriniń jeńimpazy atanǵanyn jazǵan bolatynbyz.