Dmıtrıı Popko AQSh-taǵy týrnırdiń shırek fınalyna joldama aldy

<p>ASTANA. KAZINFORM &mdash; Qazaqstandyq, álemniń 234-raketkasy Dmıtrıı Popko Savanna (AQSh) chellendjer týrnıriniń shırek fınalyna joldama aldy.</p>

Qazaqstandyq tennısshi ekinshi aınalymda dúnıejúzilik reıtıngide 248-orynda turǵan amerıkalyq Etan Kýınnyń mysyn basty.

Birinshi partııada Popko 6:4 esebimen basym tússe, ekinshisinde Kýınn qarymta qaıyrdy – 7:5.
Sheshýshi, úshinshi sette qazaqstandyq tennısshi tarazy basyn aýdara aldy – 6:3.

Eki saǵat jarymnan astam ýaqytqa sozylǵan tartysty matchta Dmıtrıı 3 eıspen birge 9 breık-poınttyń beseýin paıdalandy. Kort ıesi 4 eıs, 4 breıkpen (7 breık-poınt) kózge tústi.

Dmıtrıı Popko jartylaı fınalǵa shyǵý úshin reıtıngide 252-satydaǵy nıderlandylyq Gııs Brývermen synǵa túsedi. Ol ekinshi aınalymda álemniń 192-raketkasy, amerıkalyq Denıs Kýdladan aılasyn asyrdy – 6:3, 6:4.

Júlde qory 82 myń AQSh dollaryna baǵalanǵan Savanna dodasy 28 sáýirde aıaqtalady.
D.Popko ATP Live reıtıngisinde 225-orynǵa kóterilip tur.

Eske sala keteıik, budan buryn Aleksandr Shevchenkonyń Madrıdte álemniń 3-raketkasymen kortqa shyǵatynyn jazǵan bolatynbyz.