Dızel otynyn óndirý kólemi ósti - Bolat Aqsholaqov
«Іshki naryqty munaı ónimderiniń qajetti kólemimen qamtamasyz etý maqsatynda munaı óńdeý kólemi jáne janar-jaǵarmaı óndirisi ulǵaıtylǵan bolaty. Munaı ónimderin óndirýdiń 2022 jylǵa arnalǵan boljamy 13,72 mln tonnany quraıdy, bul 2021 jylǵa qaraǵanda 1,04 mln tonnaǵa joǵary», - dedi B. Aqsholaqov Úkimet otyrysynda.
Onyń aıtýynsha, bıyldyń 8 aıynyń qorytyndysy boıynsha dızel otynyn óndirý 3,53 mln tonnany qurady. Bul 2021 jyldyń sákes kezeńimen salystyrǵanda 259 myń tonnaǵa artyq.
«Mınıstrlik ákimdikterdiń ótinimderi boıynsha jeke janar-jaǵarmaı quıý stantsııalary sany kóp problemalyq óńirler boıynsha aqparat jınap, QazMunaGazben birlesip dızel otyny kólemderin bólý máselesin pysyqtap jatyr», - dedi mınıstr.
Sonymen qatar ol aýyl sharýashylyǵy taýaryn óndirýshilerge janarmaı jetkizý jumystaryna toqtaldy.
«Aýyl sharýashylyǵy taýaryn óndirýshilerge shildede 106,6 myń tonna, tamyzda 152,85 myń tonna jóneltildi. Aýyl sharýashylyǵy taýaryn óndirýshilerge janarmaı jóneltý basym negizde júzege asyrylady jáne turaqty baqylaýda. Osy oraıda olarǵa 423,5 myń tonna dızel otynyn jóneltý josparlanyp otyr», - dedi mınıstr.